බේක් කළ අළු කෙසෙල් චිප්ස්.

  ඔන්න දැන් කියලා දෙන්න යන්නෙ අළු කෙසෙල් බේක් කරල චිප්ස් හදාගන්න විදිහ. බලන්නකෝ එහෙනම් හදන්නෙ කොහොමද කියලා.

අවශ්‍ය දේවල්:

➧අළු කෙසෙල් ගෙඩි 2ක්

➧තෙල් ස්වල්පයක්

➧ලුණු කුඩු

➧කහ කුඩු

➧ගම්මිරිස් කුඩු හෝ මිරිස් කුඩු

සාදා ගන්නා ආකාරය.
➧අළු කෙසෙල් ගෙන පොතු හැර සිහින් පෙති කපා ගෙන ලුණු ස්වල්පයක් හා කහ ස්වල්පයක් දමා ගත් වතුරෙන් සෝදා ගන්න.

➧දැන් බේකින් ට්‍රේ එකක් හෝ අවන් එකට දැමිය හැකි සුදුසු තැටියක් වැනි යමක් ගෙන එයට තෙල් කඩදාසියක් හෝ බේකින් පෙපර් 1ක් (baking paper) අතුරා ගෙන තෙල් ගා ගන්න.

➧දැන් එහි එකිනෙක අතර මදක් ඉඩ සිටින සේ අළු කෙසෙල් පෙති අතුරා ගෙන සෑම අළු කෙසෙල් පෙත්තකටම තෙල් ස්වල්පයක් උඩින් ගා ගන්න.

➧පසුව ලුණු කුඩු සහ ගම්මිරිස් කුඩු / මිරිස් කුඩු එය උඩින් ඉස ගන්න.

➧කලින් 200°C/400°F ට රත් කර ගත් උඳුනක (අවන් එකක) විනාඩි 10-15ක් බේක් කර ගන්න.

වැදගත්.

 පැණි රසට කැමති අයෙක්ට ගම්මිරිස් කුඩු/ මිරිස් කුඩු ඉස නොගෙන බේක් කිරීමෙන් අනතුරුව කැමති පැණි වර්ගයක් දමා ගත හැකිය.

හදලා ඉවරවුනහම කර කර ගාලා කන්න තමයි තියෙන්නෙ ඉතිං